صوبے کے عاملانہ اختیار کی وسعت

دستور کے تابع ، صوبہ کا عاملانہ اختیار ان امور پر وسعت پذیر ہوگا جن کے بارے میں صوبائی اسمبلی کو قوانین بنانے کا اختیار ہے:
مگر شرط یہ ہے کہ کسی ایسے معاملے ، میں جس کے بارے میں مجلسِ شوریٰ (پارلیمنٹ) اور کسی صوبےکی صوبائی اسمبلی دونوں کو قوانین بنانے کا اختیار ہو صوبے کا عاملانہ اختیار اس عاملانہ اختیار سے مشروط اور محدود ہوگا جو دستور یا مجلس شوریٰ (پارلیمنٹ) کے بنائے ہوئے قانون کے ذریعے وفاقی حکومت یا اس کی ہیئت ہائے مجاز کو بالصراحت تفویض کیا گیا ہو۔