وزیر اعلیٰ کے خلاف عدم اعتماد کا ووٹ

1۔ وزیر اعلیٰ کے خلاف عدم اعتماد کے ووٹ کی قرارداد جسے صوبائی اسمبلی کی کل رکنیت کے کم از کم بیس فیصد نے پیش کیا ہو، صوبائی اسمبلی کی طرف سے منظور کی جاسکے گی۔
2۔ شق(1) میں محولہ کسی قرار داد پر اس دن سے تین دن کی مدت کے خاتمہ سے پہلے یا سات دن کی مدت کے بعد ووٹ نہیں لئےجائیں گے جس دن مذکورہ قرار داد اسمبلی میں پیش کی گئی ہو۔
3۔ اگر شق (1) میں محولہ قرار داد کو صابائی اسمبلی کی کل رکنیت کی اکثریت سے منظور کر لیا جائے تو وزیر اعلیٰ عہدے پر فائز نہیں رہےگا۔